Page images
PDF
EPUB

Folia oblongo- vel ovato-lanceolata, utrinque subacuta aut obtusiuscula, rigidula, superiora præsertim plus minus concava s. cymbiformia, utrinque glaberrima vel subtus pubescenti-tomentosa, læte viridia, denique sanguinea nervique et petiolus.

Panicula tum florifera cum fructifera sæpissime interrupta.

Corolla quam in varietate præcedente paulo longior. Stamina imo tubo inserta, filamentis nunc brevibus ut Calisaya Veræ, stylo simul longiore, nunc elongatis antherisque subexsertis, stylo contra iis breviore antherisque superato.

Capsula ut in typo vel flore aliquanto longior et non raro superne plus minus attenuata, versus maturitatem pulchre rubescens simulque ramuli paniculæ. Dentes coronæ paululum elongata eleganterque patentes.

[graphic]

PARTS OF THE FLOWER AND FRUIT OF CHINCHONA MICRANTHA.

CHINCHONA MICRANTHA.

(From Howard's Nueva Quinologia of Pavon,' No. ii.)

CHINCHONA MICRANTHA.-Foliis oppositis, petiolatis, ovalibus obovatisque glabris; floribus minimis, paniculatis.

Arbor 10-15 orgyalis, comâ frondosâ.

Truncus solitarius, erectus, teres; cortice scabro-fusco-cinereo, sapore valde amaro, acidulo non ingrato; in febribus tertianis usurpari potest; in commercio ignoto.

Rami patuli, teretes, cortice fusco-nigrescente; teneri foliosi, obtuse tetragoni, glabri.

Folia opposita, petiolata, ovalia obovataque, integerrima, obtusa, acumine brevi, ampla, marginibus revolutis, patentia, ut plurimum quadripalmaria, supra nitida, glaberrima, subtus nervosa, venosa, nervis purpureis; glandulis obovatis, subtus concavis, supra prominentibus, in foliis adolescentibus circum villosis, in senioribus deciduis, ad nervorum axillas insertis.

Petioli breves, vix pollicares, supra plano-canaliculati, subtus semiteretes. Stipulae supra axillares, interfoliacea, oppositæ, ovatæ, integerrimæ, connatæ, caducæ.

Panicula maxima diffusa, subracemosa, foliosa, floridissima, tomentosa, helvolo colore.

Pedunculi vix striati, tetragoni, compressiusculi, axillares terminalesque, communes brachiati, partiales oppositi alternique, omnes bracteis ovatosubulatis, oppositis, persistentibus, ad basim pedunculorum pedicellorumque insertis.

Flores numerosi, in corymbos parvos multifloros congesti, subsessiles; bracteis minimis, ovatis, acutis, persistentibus ad basim et in medio pedicellorum.

Calyx minimus, quinquedentatus; denticulis acutis, dilute purpurascentibus.

Corolla parva, ut plurimum trilinearis, extus tomentosa, albicans.

Limbus patens, laciniis quinque intus villoso-tomentosis, villis albicantibus extus rubescens.

Anthera lineares, intra faucem inclusæ, luteæ.

Capsula oblonga, acuta, leviter decemstriata, fusca, calyce coronata, a basi ad apicem dehiscens.

Semina fulva, alâ lineari utrinque acutâ inæqualiter lacerâ cincta.

Habitat in Andium montibus altis, frigidis, et nemorosis, versus vicum San Antonio de Playa Grande, ubi Johannes Tafalla, anno 1797, eam observavit, et iconem, cum nonnullis exemplaribus siccis, et descriptionem, nobiscum communicavit.

Floret Maio, Junio, et Julio.

Vulgo: Cascarilla fina. Cascarilla Provinciana.
Chinchona Micrantha, B. Oblongifolia (Weddell).

Chinchona Micrantha, var. a. flor. extus roseis; var. B. flor. extus albidis (Poeppig).

[ocr errors]

(From Weddell's Histoire Naturelle des Quinquinas,' p. 52.) CHINCHONA MICRANTHA.—Arbor 6-10 m. alt. sat frondosa, trunco recto, tereti, 2-4 dm. crassitudine raro excedente; ramis patulis.

Cortex trunci crassiusculus. Peridermis ejusdem tenuis, libro extus subcarioso vix hærens, plus minus lævigata, sordide grisea fuscescensve; ramorum lævis, cinerascens; ramulorum viridescens.

Folia plerumque ovato-rotundata, 12-20 cm. long. 10-15 cm. lat. basi (præcipue in junioribus) plus minus cuneata vel attenuata, obtusiuscula, membranacea, supra glabra nitidiuscula, læte viridia, subtus lævissime puberula pallide virescentia, venis venulisque parce pubescentibus, axillis pilosiusculis, pilis subfasciculatis. Petiolus 2-3 cm. long. glaber, ejusdem coloris ac costa.

Stipulæ ovatæ, obtusæ, extus pubescentes, intus puberulæ, deciduæ. Panicula Florifera maxima, thyrsoidea; ramulis subpatentibus pedicellisque (2 mm. long.) pubescentibus, cinereo-virescentibus.

Calyx pubescens, limbo crateriformi, dentibus acuminatis.

Corolla alba, tubo tereti 5-7 mm. long. basi et fauce leviter coarctato, laciniis lanceolatis.

Stamina imo tubo inserta, antheris inclusis filamenta subæquantibus. Stylus brevissimus; stigmatis laciniis linearibus.

Panicula Fructifera ovata vel subpyramidalis, subconferta, ramulis glabratis.

Capsula lanceolata vel oblongo-lanceolata, 25-30 mm. long. 5-7 mm. lat. utrinque attenuata, glabrata, lævis.

Semina lanceolata, basi integra vel fissa, margine denticulata.

Crescit in nemoribus humidis subobscuris montium, nec non infrequentius juxta ipsas rivulorum ripas, vallium provinciarum Larecaja et Caupolican Bolivianorum, vallisque Tambopata provinciæ Caravaya incola; provenit etiam in editioribus versus Chicoplaya et Playa Grande Peruvia

norum.

CHINCHONA NITIDA.

(From Howard's Nueva Quinologia of Pavon,' No. vii.)

CHINCHONA NITIDA.-Foliis oppositis, petiolatis, obovatis, ovali-oblongis ovato-oblongisque, nitidis, paniculâ terminali-Cascarilla Officinal. (RuizQuinologia, Art. 2, p. 56.)

Arbor procera, a decem usque ad quadraginta ulnas, glabra.

Truncus solitarius, erectus, teres, aliquando tres aut quinque repullantes. Cortex extus scaber, fusco-nigricans, sæpe ex fusco et cinereo colore

variegatus; intus obscure fulvus, amarissimus, acidulus non ingratus, in commercio et in febribus tertianis magno usu fit.

Rami seniores teretes, scabri, fusco atri- cinereo colore variegati, teneri leviter tetragoni, fusci.

Folia opposita, petiolata, obovata, ovali-oblonga ovato-oblongaque, integerrima, nitidissima, decurrentia, marginibus ad basim revolutis, subtus venosa, venis purpurascentibus, glandulis rotundis oblongisque, supra prominentibus, subtus concavis, ad sinus nervorum ortum insertis, villis longis albicantibus vestitis.

Petioli subtus semiteretes, supra planiusculi, purpurei.

Stipulæ interfoliaccæ, oppositæ, supra-axillares, basi coadunatæ, oblonga, sessiles, obtusæ, intus rubescentes, marginibus reflexis.

Panicula terminalis, composita, subracemosa, rubescens.

Pedunculi multiflori, tetragoni.

Flores breviter pedicellati.

Pedicelli bracteolis ovatis acumine subulato concavis ad basim stipati, persistentes.

Calyx parvus, purpureus.

Corolla alba, extus dilute rubicunda, vix semipollicaris, laciniis intus villosis, villis albicantibus.

Capsula oblonga, decem-striata, rubescens, bivalvis, valvulis basi hiantibus.

Semina ovalia, fulva, alis membranaceis oblongis inæqualiter denticulato cincta.

Habitat in Andium montibus altis, nemorosis, frigidis, ad Pampamarca, Chacahuasi, Casapi, Casapillo, Cayumba, Sapan, Cuchero, aliisque tractibus, et in montibus Provinciarum Huamalies, Tarma, et Jauja.

Floret Maio, Junio, et Julio.

Vulgo: Cascarilla fina aut Quina fina. Cascarilla lustrosa (Pritchett).

[ocr errors]

(From Weddell's Histoire Naturelle des Quinquinas,' p. 47.)

CHINCHONA NITIDA.-C. foliis lanceolato-obovatis, acutis, basi attenuatis, utrinque glabris, nitidis vel inferne leviter pilosis, escrobiculatis; filamentis antheras æquantibus; capsula anguste lanceolata, latitudine sua duplo longiori; seminibus lanceolatis, margine denticulatis.

Arbor 8-12 m. alt., trunco recto, tereti, crassitudine corporis humani ; coma parum frondosa.

Cortex trunci crassus, peridermide rimosa, obscure brunnea; ramorum peridermis inæqualis, plus minus sulcato-rimosa, brunneo-cinerascens.

Folia lanceolato- vel oblongo-obovata, 9-10 cm. long., 25 mm. lat.,

utrinque acuta, basi cuneata aut attenuata, sub-membranacea; supra glabra nitida, subtus nonnunquam (ad venas præsertim) pilosa; petiolo 1 cm. longo.

Stipulæ oblongæ vel obovatæ, obtusæ, deciduæ, raro basi connatæ.

Panicula ovata, subcoarctata, ramulis pedicellisque puberulis; bracteis triangulari-lanceolatis.

Calyx limbo subcampanulato, dentibus triangularibus.

Corolla rosea, tubo subcylindrico, laciniis lanceolatis, villis albidis. Antherae apice exsertæ, filamenta æquantes vel paulo breviores. Stylus antheras haud attingens; stigmatis lobis linearibus, brevibus. Capsula lanceolata, denique glabra, læviuscula vel striata, sub maturitatem obscure rubiginosa, dentibus coronæ erectiusculis.

Semina lanceolata, utrinque acuta, margine denticulata.

Habitat in montibus altis, noctu frigidiusculis, diu apricis ventilatisque. (Ruiz et Pavon. Poeppig.)

CHINCHONA PERUVIANA. (Howard.)

(The "Pata de Gallinazo" of Pritchett's Collection.)

(From Howard's Nueva Quinologia of Pavon.')

CHINCHONA PERUVIANA.-Foliis oppositis, petiolatis, lanceolato-ovatis, basi attenuatis, junioribus lanceolatis, scrobiculatis, paniculâ terminali composita.

Arbor procera ... Lignum compactum, luteum.

Cortex extus scaber, rimosus, corticem Calisayo maxime æmulans, sæpe ex albo et cinereo colore variegatis ; intus obscure fulvus, amarus, fragrans.

Folia opposita, petiolata, lanceolato-ovata, nonnulla lanceolato-obovata, alia elliptica, basi attenuata, obtuse acuminata, juniora lanceolata, scrobiculata, scrobiculis supra valde prominentibus, nitida, subtus venosa.

Petioli subtus semi-teretes, supra planiusculi.

Panicula terminalis, composita, pyramidalis.

Capsula oblonga, leviter decemstriata, calyce coronata, bivalvis, valvulis basi hiantibus.

Semina ovalia, alis membranaceis, valde laceratis.

Habitat in Andium montibus frigidis Cocheros aliisque tractibus.

Vulgo: "Cascarilla Pata de Gallinazo."

Obs.:-In commercio magno usu fit.

Speciminibus nobis à Pritchett datis descript.

« PreviousContinue »